မြေဆီစွမ်းအင်သုံး ဘက်ထရီတွေက ပါးနပ်တဲ့ လယ်ယာစိုက်ပျိုးရေးကို ပစ်မှတ်ထား
AI Summary
ဗြိတိန်နိုင်ငံရှိ Bactery ကုမ္ပဏီသည် မြေဆီလွှာအတွင်းရှိ အဏုဇီဝပိုးမွှားများမှတစ်ဆင့် လျှပ်စစ်ဓာတ်အား ထုတ်ယူနိုင်သည့် နည်းပညာသစ်ကို တီထွင်လိုက်သည်။ မြေဆီလွှာရှိ ဘက်တီးရီးယားများ အော်ဂဲနစ်ပစ္စည်းကို ဖြိုခွဲရာမှ ထွက်လာသော အီလက်ထရွန်များကို လျှပ်ကူးပစ္စည်းဖြင့် ဖမ်းယူပြီး လျှပ်စစ်အဖြစ် ပြောင်းလဲခြင်းဖြစ်သည်။ ဤနည်းပညာသည် ဝေးလံခေါင်သီသောနေရာများရှိ အာရုံခံကိရိယာများအတွက် ဘက်ထရီနှင့် ဆိုလာပြားများအစား အစားထိုးအသုံးပြုနိုင်မည်ဖြစ်သည်။ လယ်သမားများအတွက် ရေလောင်းခြင်းနှင့် မြေဩဇာကျွေးခြင်းကဲ့သို့သော လုပ်ငန်းစဉ်များတွင် အထောက်အကူပြုနိုင်ပြီး စွမ်းအင်အခြေခံအဆောက်အအုံ လိုအပ်ချက်ကို လျှော့ချပေးသည်။ လက်ရှိတွင် အဆိုပါစနစ်သည် နေ့ရောညပါ လည်ပတ်နိုင်ပြီး မြေဆီလွှာရှိသရွေ့ ကိုယ်တိုင်အားပြန်သွင်းနိုင်သည့် အခြေအနေတွင် ရှိနေသည်။
ထင်ရှားသော ပြောကြားချက်များ
"ဒီကိရိယာရဲ့ အဓိကမူက မြေဆီလွှာ အဏုဇီဝလောင်စာဆဲလ်ပေါ်မှာ မူတည်တယ်၊ ထိန်းချုပ်မထားတဲ့ ပတ်ဝန်းကျင်တွေမှာ ယုံကြည်စိတ်ချရပြီး လည်ပတ်နိုင်စေဖို့ နည်းလမ်းတွေနဲ့ စီမံဆောက်လုပ်ထားတယ်လို့ ကုမ္ပဏီတည်ထောင်သူနဲ့ အမှုဆောင် အရာရှိချုပ် ဒေါက်တာ ယာကွတ် ဒီဇီဂီလော့စကီက ပြောပါတယ်။"
"မြေဆီလွှာရဲ့ ကိုယ်ပိုင်ပြန်လည် ရှင်သန်နိုင်စွမ်းနဲ့ အတွင်းပိုင်းဂေဟစနစ်ကို ထိန်းသိမ်းနိုင်စွမ်းကြောင့် အားလုံးဖြစ်နိုင်တယ်လို့ သူက ပြော ပါတယ်။"
အင်္ဂလန် ဘတ်တက္ကသိုလ်က မြေဆီလွှာတခုအောက်မှာ မဖြစ်နိုင်ဘူးလို့ ထင်ရတဲ့ ဘက်တီးရီးယား ရင်းမြစ်တခုကနေ လျှပ်စစ်ဓာတ်အားကို ထုတ်ယူနေကြ ပါတယ်။
ဗြိတိန်က စွန့်ဦးကုမ္ပဏီ Bactery က သူ့ရဲ့ "ဘက်တီးရီးယားသုံး ဘက်ထရီ" ဟာ မြေဆီလွှာမှာ သဘာဝအတိုင်း ဖြစ်လာတဲ့ အဏုဇီဝပိုးတွေကို သုံးပြီး တည်ငြိမ်တဲ့ စွမ်းအင်ကို ထုတ်လုပ်ပေးတယ်လို့ ပြောပါတယ်။
လယ်ယာတွေနဲ့ ဝေးလံခေါင်သီတဲ့ ပတ်ဝန်းကျင်တွေမှာ အာရုံခံကိရိယာတွေအတွက် တခါသုံးဘက်ထရီတွေ၊ ကြိုးတွေနဲ့ ဆိုလာပြားတွေအတွက် အစားထိုးရွေးချယ်စရာတခုကို ပေးတယ်လို့လည်း ပြောပါတယ်။
ဒီကိရိယာရဲ့ အဓိကမူက မြေဆီလွှာ အဏုဇီဝလောင်စာဆဲလ်ပေါ်မှာ မူတည်တယ်၊ ထိန်းချုပ်မထားတဲ့ ပတ်ဝန်းကျင်တွေမှာ ယုံကြည်စိတ်ချရပြီး လည်ပတ်နိုင်စေဖို့ နည်းလမ်းတွေနဲ့ စီမံဆောက်လုပ်ထားတယ်လို့ ကုမ္ပဏီတည်ထောင်သူနဲ့ အမှုဆောင် အရာရှိချုပ် ဒေါက်တာ ယာကွတ် ဒီဇီဂီလော့စကီက ပြောပါတယ်။
မြေဆီလွှာရဲ့ ကိုယ်ပိုင်ပြန်လည် ရှင်သန်နိုင်စွမ်းနဲ့ အတွင်းပိုင်းဂေဟစနစ်ကို ထိန်းသိမ်းနိုင်စွမ်းကြောင့် အားလုံးဖြစ်နိုင်တယ်လို့ သူက ပြော ပါတယ်။
ဘက်တီးရီးစ်လို့ ခေါ်တဲ့ ကုမ္ပဏီထုတ် ကိရိယာတွေက မြေဆီလွှာ အဏုဇီဝလောင်စာဆဲလ်တွေကို အခြေခံထားပါတယ်။
မြေပြင် က ဘက်တီးရီးယားတွေက အော်ဂဲနစ်ပစ္စည်းတွေကို ဖြိုခွဲတာနဲ့အမျှ တချို့က အီလက်ထရွန်တွေကို ထုတ်လွှတ်ပါတယ်။
ဘက်တီးရီးစ်ရဲ့စနစ်က အဲဒီအီလက်ထရွန်တွေကို မြှုပ်နှံထားတဲ့ လျှပ်ကူးပစ္စည်းတွေကို သုံးပြီး ဖမ်းယူပြီးတဲ့နောက် အသုံးပြုနိုင်တဲ့ လျှပ်စစ်ဓာတ်အားအဖြစ် ပြောင်းလဲပေးပါတယ်။
ဘက်တီးရီးယား စွမ်းအင်သုံး စက်ပစ္စည်းတွေမှာ မြေဆီလွှာအစိုဓာတ်စောင့်ကြည့်ကိရိယာတွေ၊ ရာသီဥတုအာရုံခံကိရိယာတွေ ပါဝင်နိုင်ပြီး လျှပ်စစ်ဓာတ်အား ကန့်သတ်ချက်ရှိနေတဲ့ ဝေးလံခေါင်သီတဲ့နေရာ တွေမှာ တိုးချဲ့အသုံးပြုနိုင်လို့ အင်တာနက် (IoT) နဲ့ ဒစ်ဂျစ်တယ်အခြေခံ အဆောက်အအုံတွေကို ဖွင့်လှစ်နိုင် အောင် ကူညီပေးနိုင်ပါတယ်။
ဒီလိုအာရုံခံကိရိယာတွေက လယ်သမားတွေကို ဘယ်အချိန်မှာ ရေလောင်းရမလဲ၊ မြေဩဇာကျွေးရမလဲ ဒါမှမဟုတ် ရိတ်သိမ်းရမလဲဆိုတာကို ဆုံးဖြတ်ဖို့ ကူညီပေးနိုင်ပါတယ်။
ဒါပေမဲ့ လယ်ကွင်းကြီးတွေမှာ လျှပ်စစ် ဓာတ်အားပေးထားဖို့က စျေးကြီးပြီး လုပ်အားအများကြီးသုံးရနိုင်ပါတယ်။
Bactery က သူ့ရဲ့ယူနစ်တွေဟာ နေ့ရောညပါ လည်ပတ်နိုင်ပြီး ရာသီဥတုပြောင်းလဲမှုကို ခံနိုင်ရည်ရှိတဲ့အပြင် ဇီဝဗေဒအရ တက်ကြွတဲ့ မြေဆီလွှာ မှာ ရှိနေသရွေ့ ကိုယ်တိုင်အားပြန်သွင်းနိုင်တယ်လို့ ပြောပါတယ်။
ဒီနည်းပညာဟာ ရောက်ဖို့ခက်တဲ့နေရာတွေမှာ ဘက်ထရီအစားထိုးမှုနဲ့ စွမ်းအင်အခြေခံ အဆောက်အအုံ လိုအပ်ချက်ကို လျှော့ချပေးနိုင်တယ်လို့ ကုမ္ပဏီက ပြောပါတယ်။
Source: Reuters