AI Summary
ကနေဒါနိုင်ငံ၊ တိုရွန်တိုမြို့ ရဲတပ်ဖွဲ့သည် ဇွန်လ ၁ ရက်နေ့တွင် ကနေဒါသမိုင်းတွင် အများဆုံးဖြစ်သည့် ဘောလုံးအင်္ကျီအတုများကို သိမ်းဆည်းရမိခဲ့ကြောင်း ကြေညာခဲ့သည်။ မစ်စက်စာဂါကုန်လှောင်ရုံမှ ကနေဒါဒေါ်လာ ၃ သန်းခွဲကျော် (အမေရိကန်ဒေါ်လာ ၂.၅၃ သန်း) တန်ဖိုးရှိ FIFA၊ Nike၊ Adidas နှင့် Puma အမှတ်တံဆိပ်အတုများပါဝင်သော အင်္ကျီနှင့် အလံပေါင်း ၁၆,၀၀၀ ကျော်အပြင် ကမ္ဘာ့ဖလားဆုဖလားအတု ၂ ခုကို သိမ်းဆည်းရမိခဲ့ခြင်းဖြစ်သည်။ မေလတွင် တိုရွန်တိုရဲတပ်ဖွဲ့ FIFA စီမံကိန်းရေးဆွဲရေးအဖွဲ့ စုံစမ်းစစ်ဆေးရေးဌာနသို့ တိုင်ကြားချက်အရ တရားခံများသည် လက်လီစတိုးဆိုင်များသို့ ကုန်ပစ္စည်းအတုများ ဖြန့်ဖြူးနေကြောင်း စွပ်စွဲထားသည်။ ကမ္ဘာ့ဖလားပွဲစဉ်များအတွက် ဧည့်သည် ၃ သိန်းကျော် လာရောက်မည်ဟု မျှော်လင့်ထားချိန်တွင် ယခုကဲ့သို့ ကုန်ပစ္စည်းအတုများ ဖြန့်ဖြူးခြင်းသည် စားသုံးသူများနှင့် အမှတ်တံဆိပ်များအတွက် ထိခိုက်မှုရှိစေနိုင်သည်။ ဤအမှုနှင့်ပတ်သက်၍ အမျိုးသား ၂ ဦးကို ဖမ်းဆီးပြီး တရားစွဲဆိုထားကြောင်း ရဲတပ်ဖွဲ့က ပြောကြားခဲ့သည်။
ကမ္ဘာ့ဖလားအိမ်ရှင်နိုင်ငံတနိုင်ငံဖြစ်တဲ့ ကနေဒါနိုင်ငံမှာ တိုရွန်တိုမြို့ ရဲတပ်ဖွဲ့က ကနေဒါသမိုင်းမှာ အများဆုံးဖြစ်တဲ့ ဘောလုံးအင်္ကျီအတုတွေကို ဇွန် ၁ ရက်က သိမ်းဆည်းရမိတယ်လို့ ကြေညာပါတယ်။
ရဲအရာရှိတွေက မစ်စက်စာဂါကုန်လှောင်ရုံ ကနေ ကနေဒါဒေါ်လာ ၃ သန်းခွဲကျော် (အမေရိကန် ဒေါ်လာ ၂ ဒသမ ၅၃ သန်း) တန်ဖိုးရှိတဲ့ ကုန်စည်အတုတွေကို သိမ်းဆည်းရမိခဲ့တာပါ။
FIFA၊ Nike၊ Adidas နဲ့ Puma အမှတ်တံဆိပ် အတုတွေ တပ်ဆင်ထားတဲ့ အင်္ကျီတွေနဲ့ အလံ ၁၆,၀၀၀ ကျော်အပြင် ကမ္ဘာ့ဖလားဆုဖလားအတု ၂ ခုလည်း သိမ်းမိတဲ့ပစ္စည်းတွေထဲမှာ ပါဝင်ခဲ့ပါတယ်။
ဒီအမှုနဲ့ပတ်သက်လို့ အမျိုးသား ၂ ယောက်ကို ဖမ်းဆီးပြီး တရားစွဲထားတယ်လို့ ရဲတပ်ဖွဲ့က ပြောပါတယ်။
ဇွန် ၁၂ ရက်နေ့ စတင်ကျင်းပမဲ့ ဘော့စနီးယား-ဟာဇီဂိုဗီးနားအသင်းနဲ့ အိမ်ရှင်ကနေဒါအသင်းတို့ရဲ့ အဖွင့်ပွဲစဉ် အပါအဝင် ကမ္ဘာ့ဖလားပွဲစဉ် ၆ ပွဲကစားတာကို ကြည့်ဖို့ တိုရွန်တိုမြို့ကို ဧည့်သည် ၃ သိန်းကျော် လာလည်မယ်လို့ မျှော်လင့်ထားကြပါတယ်။
မေလမှာ တိုရွန်တိုရဲတပ်ဖွဲ့ FIFA စီမံကိန်းရေးဆွဲရေးအဖွဲ့ စုံစမ်းစစ်ဆေးရေးဌာနဆီ တိုင်ကြားချက်ထဲမှာ တရားခံတွေဟာ လက်လီစတိုးဆိုင်တွေဆီ ထုတ်ကုန်တွေ ထောက်ပံ့ ပေးနေပြီး ကုန်ပစ္စည်းအတုတွေကို ဖြန့်ဖြူးနေတယ်လို့ စွပ်စွဲထားပါတယ်။
ပစ္စည်းတွေရဲ့ ခန့်မှန်းခြေ မှောင်ခိုတန်ဖိုးက ကနေဒါဒေါ်လာ ၃,၅၆၄,၀၀၀ ရှိတယ်လို့ ရဲတပ်ဖွဲ့က ပြောပါတယ်။