ရခိုင်ပြည်သို့ ပို့ဆောင်မည့် ဘိလပ်မြေအိတ် ၁၅၀၀ ၊ ငါးဖမ်းလှေ ၅ စီးနှင့် လူ ၅၀ကျော်ကိုဘင်္ဂလားဒေ့ရှ်ရေတပ် ဖမ်းဆီး

နိရဉ္စရာ၊ ဇွန် ၇/၂၀၂၆

ရခိုင်ပြည်သို့ ပို့ဆောင်မည့် ဘိလပ်မြေအိတ် ၁၄၅၀၊ ငါးဖမ်းလှေ ၅ စီးနှင့် လူ ၅၂ဦးကိုဘင်္ဂလားဒေ့ရှ် ရေတပ်က လွန်ခဲ့သည့် ဇွန် ၄ ရက်နေ့က ဖမ်းဆီးလိုက်သည်။

ဘင်္ဂလားဒေ့ရှ် ရေတပ်သင်္ဘောသည် နတ်မြစ်၀ရှိ စိန့်မာတင်(အုန်းကျွန်း)အနီးတွင် ဇွန်၄ ရက် ည ကင်းလှည့်နေစဉ် မသင်္ကာဖွယ်ရာ အင်ဂျင်ပါဝါရှိသော သစ်သားငါးဖမ်းလှေနှစ်စင်းကို တွေ့ရှိခဲ့သဖြင့်ဖမ်းဆီးထိန်းသိမ်းခဲ့ကြောင်း သိရသည်။

ဖမ်းဆီးခဲ့သောငါးဖမ်းစက်လှေများမှာ 'FB Ma Noor Jahan' နှင့် FB Homaiara' တို့ဖြစ်ပြီးလှေပေါ်သို့ တက်ရောက် ရှာဖွေရာတွင် ဘိလပ်မြေအိတ် ၁၄၅၀ ကိုသိမ်းဆည်းရမိသည်ဟု ဆိုသည်။

၎င်းနောက်စက်လှေ ၂ စီးပေါ် လိုက်ပါလာသည့် ဘိလပ်မြေမှောင်ခိုသမား၂၂ ဦးကိုလည်း  ဖမ်းဆီးခဲ့သည်ဟု သတင်းတွင် ဖော်ပြသည်။

ဖမ်းဆီးခံရသူများကိုစစ်ဆေးမေးမြန်းရာတွင် နောက်ထပ်ငါးဖမ်းလှေ ၃ စီးဖြစ်ကြသည့် FB Maa Janani-1၊ FB Ashraful Islam Sayyad နှင့် FB Haji Basirullah တို့လည်း ဘိလပ်မြေကုန်ကူးမှုတွင် ပါဝင်ပတ်သက်ကြောင်းပြောကြားခဲ့သည်ဟု သိရသည်။

သို့အတွက်ရေတပ်ကင်းလှည့်သင်္ဘောသည် ၎င်းငါးဖမ်းလှေ ၃ စင်းနှင့် လှေပေါ်တွင်လိုက်ပါလာသူ  ၃၀ဦး ကို ထပ်မံဖမ်းဆီးထိန်းသိမ်းခဲ့သည်ဟုသတင်းတွင် ဆက်လက်ဖော်ပြသည်။

စစ်ဆင်ရေးအပြီးတွင် ဖမ်းဆီးရရှိသော ဘိလပ်မြေနှင့် လူများကို ဥပဒေအရ အရေးယူရန် တက်ကနက်  ရဲစခန်းသို့ လွှဲပြောင်းပေးအပ်ခဲ့သည်။

Ref: ISPR (Bangladesh army)