မြန်မာနိုင်ငံသား ၇ ဦး မလေးရှားနိုင်ငံ ဂျစ်ထရာတိုးဂိတ်တွင် ဖမ်းဆီးခံရ - BUR.MIZZIMA.COM
AI Summary
မလေးရှားနိုင်ငံ၊ ကဒါးပြည်နယ်၊ ဂျစ်ထရာတိုးဂိတ်တွင် အထောက်အထားမဲ့ မြန်မာနိုင်ငံသား အမျိုးသား ခုနစ်ဦးကို မလေးရှားလူဝင်မှုကြီးကြပ်ရေး အာဏာပိုင်များက ၂၀၂၆ ခုနှစ်၊ ဇွန်လ ၄ ရက်နေ့တွင် ဖမ်းဆီးထိန်းသိမ်းခဲ့သည်။ ၎င်းတို့အား ဂျစ်ထရာတိုးဂိတ် (မြောက်ဘက်) လမ်းတွင် လာရောက်ခေါ်ဆောင်မည့် ယာဉ်ကို စောင့်ဆိုင်းနေစဉ် စောင့်ကြည့်လေ့လာမှုနှင့် သတင်းရယူမှုများအပြီး တားဆီးစစ်ဆေးခဲ့ခြင်းဖြစ်သည်။ ဖမ်းဆီးခံရသူများအားလုံးသည် တရားဝင် ခရီးသွားလာခွင့် အထောက်အထား သို့မဟုတ် မည်သူမည်ဝါဖြစ်ကြောင်း သက်သေခံအထောက်အထား တစုံတရာ တင်ပြနိုင်ခြင်း မရှိခဲ့ပေ။ ထို့ကြောင့် ၎င်းတို့အား ၁၉၅၉/၆၃ ခုနှစ် မလေးရှားနိုင်ငံ လူဝင်မှုကြီးကြပ်ရေး အက်ဥပဒေနှင့်အညီ စုံစမ်းစစ်ဆေးရန် ကဒါးပြည်နယ် လူဝင်မှုကြီးကြပ်ရေးရုံးသို့ ပို့ဆောင်ထားသည်။ လက်ရှိတွင် ၎င်းတို့ မလေးရှားနိုင်ငံအတွင်းသို့ မည်သို့ရောက်ရှိလာသည် သို့မဟုတ် တရားမဝင်လမ်းကြောင်းမှ ပြန်လည်ထွက်ခွာရန် ပြင်ဆင်နေခြင်း ဟုတ်မဟုတ်ကို ဆုံးဖြတ်နိုင်ရန် စုံစမ်းစစ်ဆေးနေဆဲဖြစ်သည်။ အာဏာပိုင်များက ၎င်းတို့၏ သွားလာလှုပ်ရှားမှုများကို စီစဉ်ညွှန်ကြားနေသည့် လူပုဂ္ဂိုလ်များ သို့မဟုတ် ဂိုဏ်းအဖွဲ့များကိုလည်း ဖော်ထုတ်နိုင်ရန် ဆက်လက်စုံစမ်းလျက်ရှိသည်။
မဇ္ဈိမ
မလေးရှားနိုင်ငံ၊ ကဒါးပြည်နယ် (Kedah) ရှိ ဂျစ်ထရာ (Jitra) တိုးဂိတ်တွင် အထောက်အထားမဲ့ မြန်မာနိုင်ငံသား ခုနစ်ဦးကို မလေးရှားလူဝင်မှုကြီးကြပ်ရေး အာဏာပိုင်များက ၂၀၂၆ ခုနှစ်၊ ဇွန်လ ၄ ရက်နေ့တွင် ဖမ်းဆီးထိန်းသိမ်းခဲ့ကြောင်း မလေးရှားလူဝင်မှုကြီးကြပ်ရေးဌာန၏ ထုတ်ပြန်ချက်အရ သိရသည်။
ကဒါးပြည်နယ် လူဝင်မှုကြီးကြပ်ရေးရုံး၏ ထောက်လှမ်းရေးနှင့် အထူးစစ်ဆင်ရေးဌာနခွဲသည် ဂျစ်ထရာတိုးဂိတ် (မြောက်ဘက်) လမ်းတွင် စောင့်ကြည့်လေ့လာမှုနှင့် သတင်းရယူမှုများ ပြုလုပ်ပြီးနောက် ယခုကဲ့သို့ ဖမ်းဆီးခဲ့ခြင်းဖြစ်ကြောင်း ဌာနက ပြောသည်။
ဖမ်းဆီးခံရသူအားလုံးမှာ အမျိုးသားများဖြစ်ပြီး ၎င်းတို့အား လာရောက်ခေါ်ဆောင်မည့် ယာဉ်ကို စောင့်ဆိုင်းနေစဉ် အာဏာပိုင်များက တားဆီးစစ်ဆေးခဲ့ခြင်းဖြစ်သည်။ ၎င်းတို့အားလုံးသည် တရားဝင် ခရီးသွားလာခွင့် အထောက် အထား သို့မဟုတ် မည်သူမည်ဝါဖြစ်ကြောင်း သက်သေခံအထောက်အထား တစုံတရာ တင်ပြနိုင်ခြင်း မရှိကြောင်း သိရသည်။
ဖမ်းဆီးခံထားရသူများကို ၁၉၅၉/၆၃ ခုနှစ် မလေးရှားနိုင်ငံ လူဝင်မှုကြီးကြပ်ရေး အက်ဥပဒေနှင့် သက်ဆိုင်ရာ လုပ်ထုံးလုပ်နည်းများအရ စုံစမ်းစစ်ဆေးရန်နှင့် ဆက်လက်အရေးယူဆောင်ရွက်ရန် ကဒါးပြည်နယ် လူဝင်မှု ကြီးကြပ်ရေးရုံးသို့ ပို့ဆောင်ထားကြောင်း ဌာနက ဆိုသည်။
၎င်းတို့သည် မလေးရှားနိုင်ငံအတွင်းသို့ လတ်တလောမှ ရောက်ရှိလာသူများလား သို့မဟုတ် တရားမဝင်လမ်းကြောင်းမှတဆင့် နိုင်ငံအတွင်းမှ ပြန်လည်ထွက်ခွာရန် ပြင်ဆင်နေသူများလား ဆိုသည်ကို ဆုံးဖြတ်နိုင်ရန်နှင့် ၎င်းတို့၏ သွားလာလှုပ်ရှားမှုများကို စီစဉ်ညွှန်ကြားနေသည့် လူပုဂ္ဂိုလ်များ သို့မဟုတ် ဂိုဏ်းအဖွဲ့များကို ဖော်ထုတ်နိုင်ရန် အာဏာပိုင်များက ဆက်လက်စုံစမ်းစစ်ဆေးလျက်ရှိကြောင်း သိရသည်။