မင်းဘူး-အမ်းလမ်းပိုင်းတွင် စစ်အုပ်စု၏ထောက်ပို့ကားတစ်စီးကို တော်လှန်ရေးတပ် မိုင်းဆွဲတိုက်ခိုက်

(စစ်သား ခြောက်ဦးသေဆုံး၊ သုံးဦးအရှင်ဖမ်းမိပြီး လက်နက်ခဲယမ်းများ သိမ်းဆည်းရမိ) မောင်စာဂ၊ နိရဉ္စရာ၊ မေ ၂၉/၂ဝ၂၆ မကွေးတိုင်း၊ မင်းဘူးမြို့နယ်၊ မင်းဘူး-အမ်း လမ်းပိုင်းပေါ်တွင် အကြမ်းဖက်စစ်အုပ်စု၏ထောက်ပို့ကားတစ်စီးကို တော်လှန်ရေးပူးပေါင်းတပ်တို့က မိုင်းဆွဲတိုက်ခိုက်ခဲ့ရာ အကြမ်းဖက်စစ်သားခြောက်ဦးသေဆုံးပြီး သုံးဦးကို အရှင်ဖမ်းမိကာ လက်နက်ခဲယမ်းများလည်း သိမ်းဆည်းရမိခဲ့သည်ဟု အမျိုးသားညီညွတ်ရေးအစိုးရ၏ ကာကွယ်ရေးဝန်ကြီးဌာနက ယနေ့ညနေတွင် သတင်းထုတ်ပြန်သည်။

“မိုင်းဆွဲ တိုက်ခိုက်ပြီးနောက် ထိတွေ့ပစ်ခတ်မှု မိနစ် (၂၀) ကြာ ဖြစ်ပွားခဲ့ပြီး ရန်သူ့ထံမှ အူဇီ (၃) လက်၊ MA-1 (၂) လက်၊ MA-2 (၁) လက်၊ ၅.၅၆ ကျည် လက်ဆွဲဘောက် (၁) လုံး၊ ၁၂၂ မမ MLRS ရော့ကတ် ပို့ယမ်း သေတ္တာ (၆) လုံးနှင့် ၁၂၂ မမ MLRS ရော့ကတ် (၂၈) လုံး သိမ်းဆည်းရရှိခဲ့သည်”ဟုလည်း ဖော်ပြထားသည်။