တပ်တွင်းကြိုတင်သတင်းပေးမှုအရဆိပ်ဖြူတွင်စစ်ကြောင်းတစ်ခုကို စောင့်ဆိုင်းတိုက်ခိုက်ရာဗိုလ်ကြီးဖြိုးသူအောင်အပါအဝင်စစ်သား၁၀ဦး‌သေဆုံး

နိရဉ္စရာ၊ဇွန်၁၈/၂၀၂၆

မကွေးတိုင်း၊ဆိပ်ဖြူမြို့နယ်အတွင်း တပ်တွင်းဖရဲသီး၏သတင်းပေးမှုဖြင့်တော်လှန်ရေးတပ်ဖွဲ့များက အာဏာသိမ်းအကြမ်းဖက် စစ်တပ်စစ်ကြောင်းကိုကြားဖြတ်တိုက်ခိုက်ရာ  ဗိုလ်ကြီးဖြိုးသူအောင်နှင့် အခြားစစ်ဗိုလ်၁ဦးအပါအဝင် စစ်သား၁၀ဦးသေဆုံးပြီးလက်နက်၈လက်နှင့် ခဲယမ်းများသိမ်းဆည်းရရှိကြောင်းဆိပ်ဖြူမြောက်ပိုင်း ပြည်သူ့ကာကွယ်ရေးတပ်ဖွဲ့ NSP မှ သတင်းထုတ်ပြန်သည်။

ဇွန်လ၁၆ရက်နေ့တွင်ဆိပ်ဖြူမြို့နယ်တွင်တော်လှန်ရေးတပ်ပေါင်းစုကဒေါ်အောင်ဆန်းစုကြည်မွေးနေ့အထိမ်းအမှတ် "Operation Su " ဖြင့်တပ်တွင်းဖရဲသီး၏ကြိုတင်သ‌တင်းပေးမှုဖြင့်လေကြောင်းရန်ကာကွယ်ရေးတပ်၃၀၃၆မှယာဉ်တန်းကို စောင့်ဆိုင်းတိုက်ခိုက်ခဲ့ခြင်းဖြစ်ကြောင်း သိရသည်။

၎င်းယာဉ်တန်းတွင် ဗိုလ်ကြီးဖြိုးသူအောင်ဦးဆောင်သောစစ်အင်အား၁၅ဦး ပါဝင်ပြီးအဆိုပါတိုက်ခိုက်မှုအတွင်းဗိုလ်ကြီးဖြိုးသူအောင်၊စစ်ဗိုလ၁ဦးအပါအဝင်စစ်သား၁၀ဦးကိုရှင်းလင်းနိုင်ခဲ့ပြီးလက်နက်ခဲယမ်းများရရှိခဲ့ကြောင်းထုတ်ပြန်ချက်တွင် ဖော်ပြသည်။

သိမ်းဆည်းရရှိသော လက်နက်များမှာ  MA-1 သေနတ်၅လက်၊MA-2 သေနတ်၁လက်၊MA-3 သေနတ်၁လက်၊MA-5 သေနတ်၁လက်၊လက်ပစ်ဗုံး၁လုံး၊၅.၅၆ကျည်၂၄၀တောင့်၊9mm ကျည်၂၀တောင့်၊MAကော်ဘောက်၂ခု၊MAသံဘောက်၁၄ခု၊MA-5ဘောက်၂ခု၊ငွေသားအချို့နှင့် ဆက်ဆက်ပစ္စည်းများကိုသိမ်းဆည်းနိုင်ခဲ့ကြောင်းသိရှိရသည်။

လတ်တလောဆိပ်ဖြူမြို့နယ်အတွင်းစစ်ရေးတင်းမာမှုများရှိနေပြီးပြည်သူများအနေဖြင့်သွားလာမည်ဆိုပါကမော်တော်ယာဉ်များကိုမှန်ချမောင်းနှင်ကြရန်၊တော်လှန်ရေးတပ်များ၏စစ်ဆေးမှုများကြုံတွေ့ရပါကလည်းအစစ်ဆေးခံ၍ပူးပေါင်းဆောင်ရွက်ကြရန်လည်း တိုက်တွန်းထားသည်။

ဆိပ်ဖြူမြို့နယ်အတွင်းစစ်ဆင်ရေးကိုဆိပ်ဖြူမြောက်ပိုင်းပြည်သူ့ကာကွယ်ရေးတပ်ဖွဲ့NSP ၊ပခုက္ကူခရိုင်၊အမှတ်၄တပ်ရင်းတပ်ခွဲ၃၊ပခုက္ကူခရိုင်အမှတ်၆တပ်ရင်း၊ပခုက္ကူခရိုင်အမှတ်၇တပ်ရင်း၊ပခုက္ကူခရိုင်အမှတ်၁၇တပ်ရင်း၊မကွေးပြည်သူ့ကာကွယ်ရေးတပ်မတော်(MGY-PDF)၊တို့ပူးပေါင်းလုပ်ဆောင်ခဲ့ခြင်းဖြစ်ကြောင်းသိရှိရသည်။

အဆိုပါမစ်ရှင်အတွင်းစစ်တပ်ထံမှအကြောင်းအမျိုးမျိုးကြောင့်အလင်းဝင်နိုင်ခြင်းမရှိသော်လည်းတော်လှန်ရေးတပ်များထံသို့သတင်းကြိုတင်ပေးပို့သောတပ်တွင်းဖရဲသီးများကိုလည်းထိုက်ထိုက်တန်တန်ဆုချီးမြှင့်သွားမည်ဖြစ်ကြောင်းတော်လှန်ရေးတပ်များကတရားဝင်သတင်းထုတ်ပြန်ထားသည်။

====