အာဏာသိမ်းမြန်မာစစ်တပ် ပြည်သူ့စစ်မှုထမ်းတပ်သားသစ် ၈၅ ရာခိုင်နှုန်းကို အသုံးပြုပြီး စစ်ထွက်နေရ

နိရဉ္စရာ၊ ဇွန် ၁၄ / ၂၀၂၆

အာဏာသိမ်းမြန်မာစစ်တပ်သည် လက်ရှိ စစ်ထွက်ရာတွင် ပြည်သူ့စစ်မှုထမ်းတပ်သား ၈၅ ရာခိုင်နှုန်း အသုံးပြုပြီး စစ်ထွက်နေရသည်ဟု မြန်မာစစ်ဘက်ရေးရာနှင့် လုံခြုံရေးဆိုင်ရာလေ့လာရေးအဖွဲ့ ( MDSI) ၏ ထုတ်ပြန်ချက်တွင် ဖော်ပြထားသည်။

“ လေ့လာ​စောင့်ကြည့်မှု မှတ်တမ်းများအရ လက်ရှိ ​ခြေလျင်တိုက်ခိုက်​ရေးတပ်များ၏ စစ်ထွက်အင်အား ၈၅ ရာခိုင်နှုန်းသည် ပြည်သူ့စစ်မှုထမ်းတပ်သားများ ဖြစ်ပါသည် ” ဟု ဖော်ပြထားသည်။

အာဏာသိမ်းစစ်တပ်သည် စစ်မှုထမ်းတပ်သားများကို အ​ခြေပြု၍ အင်အားအများအပြားဖြင့် နိုင်ငံအဝှမ်း တန်ပြန်ထိုးစစ်များကို ​ဖော်​ဆောင်လာခြင်းဖြစ ်ပြီး အကျိုးသက်​ရောက်​နေမှုကို ခြုံငုံဆန်းစစ်ကြည့်ပါက စစ်မှုထမ်းဥပ​ဒေကို အသုံးချကာ ပြည်သူအချင်းချင်း ပြန်လည် ထိပ်တိုက်ရင်ဆိုင်​စေ​သော စစ်နည်းဗျူဟာဖြင့် အာဏာသိမ်း ဗိုလ်ချုပ်ကြီးများ အကျိုးဖြစ်​စေခဲ့သည် ဟုဆိုသည်။

ပြည့်သူ့စစ်မှုထမ်းဥပ​ဒေ အသက်သွင်းပြီး​နောက် လစဥ်ပျမ်းမျှ စစ်မှုထမ်းတပ်သား (၄၇၀၀)​၊ အ​ခြေခံတပ်သားသစ် ခန့်မှန်း (၄၀၀) ဝန်းကျင်ဖြင့် ၂၀၂၅ တနှစ်တာအတွင်း စစ်မှုထမ်းတပ်သား (၆၀၀၀၀) ​ကျော်ကို စု​ဆောင်းရရှိခဲ့ ပြီး အဆိုပါ တပ်သားသစ်အ​ရေအတွက်သည် စစ်အာဏာသိမ်းမှု မတိုင်ခင် ၂၀၂၀ ခုနှစ် စုရအင်အားထက် ၆ ဆအထိ ဖြစ်​ကြောင်း ​တွေ့ရှိ ရသည်ဟု ထုတ်ပြန်ချက်တွင် ဖော်ပြထားသည်။

အာဏာသိမ်းစစ်တပ်သည် ပြည်သူ့စစ်မှုထမ်းဥပ​ဒေကို တရားမဝင်အသက်သွင်းပြီး​နောက် ၂ နှစ်​ကျော်အတွင်း စစ်မှုထမ်းအမှတ်စဥ် (၂၅) ခု ဖွင့်လှစ်ထားပြီး ဖြစ်သလို​၊ အပတ်စဥ်(၂၃) ထိ သင်တန်းဆင်း​ ထားပြီဖြစ်သည်ဟု ဖော်ပြသည်။

အာဏာသိမ်းမှု မတိုင်ခင် စစ်တပ်၏ နှစ်စဥ် လူသစ်စု​ဆောင်းရရှိမှုကို ​လေ့လာကြည့်ပါက ၁၉၉၅-၂၀၀၀ ခုနှစ်ကာလ နှစ်စဥ် (၃၀၀၀၀)၊ ၂၀၀၅-၂၀၁၀ ကာလ နှစ်စဥ် ပျမ်းမျှ (၂၅၀၀၀) ဝန်းကျင် ရှိခဲ ့ကြောင်း ၂၀၁၀ ​နောက်ပိုင်းတွင် နိုင်ငံ​ရေးပြုပြင်​ပြောင်းလဲလာမှုနှင့်အတူ နိုင်ငံစီးပွား​ရေး တည်ငြိမ်တိုးတက်လာတာ​ကြောင့် စစ်တပ်အတွင်း ဝင်​ရောက်သူ တဖြည်းဖြည်း နည်းပါးသွားပြီး တနှစ်တာစုရအင်အား (၁၅၀၀၀) ​အောက်ထိ ​​လျော့ကျသွားခဲ့သည် ဟု ဆိုသည်။

တဘက်တွင်လည်း နှစ်စဥ် ပြုန်းတီးအင်အား (၅)မျိုး (တပ်​ပြေး၊ ထုတ်ပယ်၊ ထွက်ခွင့်၊ ကျဆုံး၊ ​သေဆုံး) အ​ရေအတွက်သည် ပျမ်းမျှ (၁၂၀၀၀) ​ကျော်ရှိသဖြင့် ၂၀၁၅ ​နောက်ပိုင်းတွင် ပြုန်းတီးအင်အားက စုရအင်အားထက် ​ပိုများလာသည့် အ​နေအထားထိ ​ရောက်ရှိလာခဲ့သည်။

၂၀၁၁ ​နောက်ပိုင်း စစ်တပ်အတွင်းသို့ ဝင်​ရောက်လိုသူ အလွန်နည်းပါးလာသဖြင့် ​အောက်​ခြေတပ်ရင်း/တပ်ဖွဲ့များတွင် လူအ​ရောင်းအဝယ်များ၊ ​ငွေ​ကြေး​ဖြင့် စည်းရုံးစု​ဆောင်းရမှုများ ပိုမိုကျယ်ပြန့်လာခဲ့သည်။ ထိုသို့ နည်းလမ်းမျိုးစုံဖြင့် ​အောက်​ခြေတပ်များကို ဖိအား​ပေးစု​ဆောင်း​စေ​​သော်လည်း ၂၀၁၇ ​နောက်ပိုင်းမှစ၍ တနှစ်တာစုရအင်အားသည် (၁၀၀၀၀) ဝန်းကျင်ခန့်ထိ ​လျော့ကျသွားခဲ့ သည်ဟု ဆိုသည်။

မြန်မာစစ်တပ်တွင် နှစ်စဥ် ပြုန်းတီးအင်အား (၅)မျိုး (တပ်​ပြေး၊ ထုတ်ပယ်၊ ထွက်ခွင့်၊ ကျဆုံး၊ ​သေဆုံး) အ​ရေအတွက်သည် ပျမ်းမျှ (၁၂၀၀၀) ​ကျော်ရှိသဖြင့် ၂၀၁၅ ​နောက်ပိုင်းတွင် ပြုန်းတီးအင်အားက စုရအင်အားထက် ​ပိုများလာသည့် အ​နေအထားထိ ​ရောက်ရှိလာခဲ့သည် ဟု ဖော်ပြထားသည်။