လီဗာပူးနည်းပြနေရာအတွက် ဘုန်းမောက်နည်းပြဟောင်း အီရာအိုလာနှင့် ဆွေးနွေးမည်
AI Summary
လီဗာပူးအသင်းသည် ရာသီအတွင်း ရလဒ်ဆိုးရွားမှုများကြောင့် နည်းပြ အာနဲစလော့ကို ရာထူးမှ ထုတ်ပယ်ခဲ့သည်။ စလော့သည် ပြိုင်ပွဲစုံ ပွဲ ၂၀ အထိ ရှုံးနိမ့်ခဲ့ပြီးနောက် အသင်းအုပ်ချုပ်မှုပိုင်း၏ သုံးသပ်ချက်အရ အနားပေးခံခဲ့ရခြင်း ဖြစ်သည်။ အသင်းသည် ပေါင် ၄၅၀ သန်းနီးပါး အသုံးပြုခဲ့သော်လည်း ရလဒ်ပိုင်း ဆိုးရွားခဲ့သောကြောင့် နည်းပြသစ်ကို အမြန်ဆုံး ခန့်အပ်ရန် ကြိုးပမ်းနေသည်။ ထို့ကြောင့် လီဗာပူးသည် ဘုန်းမောက်နည်းပြဟောင်း အန်ဒိုနီအီရာအိုလာကို နံပါတ်တစ် ပစ်မှတ်အဖြစ် သတ်မှတ်ထားပြီး ယခုအပတ်အတွင်း တရားဝင် စတင်ဆွေးနွေးသွားမည်ဖြစ်သည်။ အသက် ၄၃ နှစ်အရွယ် စပိန်နည်းပြ အီရာအိုလာသည် အန်ဖီးလ်တွင် တာဝန်ယူရန် စိတ်အားထက်သန်နေပြီး ၎င်းကို ခေါ်ယူနိုင်ပါက အသင်း၏ ကစားဟန်ကို ပိုမိုမြန်ဆန်သော တိုက်စစ်ပုံစံအဖြစ် ပြောင်းလဲနိုင်မည်ဟု မျှော်လင့်လျက်ရှိသည်။
လီဗာပူးအသင်းဟာ ရာထူးကနေ ထုတ်ပယ်လိုက်တဲ့ နည်းပြ အာနဲစလော့ရဲ့ နေရာမှာ အစားထိုးဖို့အတွက် ဘုန်းမောက်နည်းပြဟောင်း အန်ဒိုနီအီရာအိုလာနဲ့ အခုအပတ်အတွင်း တရားဝင် စတင်ဆွေးနွေးသွားမှာ ဖြစ်ပါတယ်။
ပြီးခဲ့တဲ့ရာသီက ဘုန်းမောက်အသင်းကို ယူရိုပါလိဂ်ဝင်ခွင့် ရရှိအောင် စွမ်းဆောင်ပေးခဲ့တဲ့ အသက် ၄၃ နှစ်အရွယ် စပိန်လူမျိုးနည်းပြဟာ အန်ဖီးလ်မှာ တာဝန်ယူဖို့ စိတ်အားထက်သန်နေပြီး လီဗာပူးဘက်ကလည်း သူ့ကို နံပါတ်တစ် ပစ်မှတ်အဖြစ် သတ်မှတ်ထားတာပါ။
ပြီးခဲ့တဲ့ စနေနေ့က ရာထူးကနေ အနားပေးခံခဲ့ရတဲ့ စလော့ဟာ ရာသီအတွင်း ပြိုင်ပွဲစုံ ပွဲ ၂၀ အထိ ရှုံးနိမ့်ခဲ့ပြီးနောက် အသင်းအုပ်ချုပ်မှုပိုင်းရဲ့ သုံးသပ်ချက်အရ ထုတ်ပယ်ခံခဲ့ရတာ ဖြစ်ပါတယ်။
လီဗာပူးအသင်းဟာ ပြီးခဲ့တဲ့နွေရာသီက ပေါင် ၄၅၀ သန်းနီးပါး အသုံးပြုခဲ့ပေမဲ့ ရလဒ်ပိုင်း ဆိုးရွားခဲ့လို့ နည်းပြသစ်ကို အမြန်ဆုံးခန့်အပ်ဖို့ ကြိုးပမ်းနေပြီး အီရာအိုလာကို ခေါ်ယူနိုင်ပါက အသင်းရဲ့ကစားဟန်ကို ပိုမိုမြန်ဆန်တဲ့ တိုက်စစ်ပုံစံအဖြစ် ပြောင်းလဲနိုင်မယ်လို့ မျှော်လင့်နေပါတယ်။