ရခိုင်တွင် လူနာ ၃ဝ ကျော်အထိ သွေးလွန်တုတ်ကွေးဖြစ်နေ၍ သတိထားကြရန် အာရက္ခပြည်သူ့ကျန်းမာရေးဌာနတိုက်တွန်း

မောင်စာဂ၊ နိရဉ္စရာ၊ ဇွန် ၁ဝ/၂ဝ၂၆ ရခိုင်ပြည်ရှိ မြို့နယ်အချို့တွင် လူနာ ၃ဝ ကျော်အထိ သွေးလွန်တုတ်ကွေးရောဂါဖြစ်နေ၍ သတိထားကြရန် အာရက္ခပြည်သူ့ကျန်းမာရေးဌာနက ယနေ့ ဇွန်လ ၁ဝ ရက်တွင် ထုတ်ပြန်တိုက်တွန်းလိုက်သည်။ အာရက္ခပြည်သူ့ကျန်းမာရေးဌာနသည် သွေးလွန်တုတ်ကွေးရောဂါကာကွယ်ရေးလုပ်ငန်းများကို တစိုက်မတ်မတ်ပြုလုပ်နေသည့်ကြားမှ ရခိုင်ရှိ မြို့နယ်အချို့တွင် လူနာ ၃၃ ဦးအထိ အဆိုပါရောဂါဖြစ်ပွားမှုကြောင့် ဆေးဝါးကုသမှုခံယူနေရသည်ဟု ထုတ်ပြန်ချက်တွင် ဖော်ပြထားသည်။ “ရောဂါကာကွယ်ရေးလုပ်ငန်းများကို ပြုလုပ်နေသည့်ကြားမှ ဧပြီလ (၂၈) ရက်နေ့တွင် အာရက္ခပြည်၌ ပထမဆုံးဆေးရုံတက်ကုသရသောသွေးလွန် တုတ်ကွေးလူနာကိုစတင်တွေ့ရှိခဲ့ပြီး သွေးလွန်တုတ်ကွေးရောဂါသည် တစတစနှင့်ဖြစ်ပွားလျက်ရှိရာ ရမ်းဗြဲ၊ မြောက်ဦး၊ ရသေ့တောင်၊ မင်းပြား၊ မြေပုံမြို့နယ်များတွင် ယနေ့အထိ ဆေးရုံတက်ကုသရသော လူနာစုစုပေါင်း (၃၃)ဦးအထိ ရှိလာခဲ့ပါသည်။”ဟု ထုတ်ပြန်ချက်တွင် ဖော်ပြထားသည်။