အာဏာသိမ်း သမ္မတမင်းအောင်လှိုင်၏အိန္ဒိယခရီးစဉ်အပြီး ၂ ပတ်အကြာအိန္ဒိယသံအမတ်စစ်တွေသို့သွားရောက်

နိရဉ္စရာ၊ဇွန်၂၀ /၂၀၂၆

အာဏာသိမ်းသမ္မတဦးမင်းအောင်လှိုင်သည် အိန္ဒိယနိုင်ငံတွင်ကုလားတန်စီမံကိန်း အပြီးသတ်ရေးဆွေးနွေးအပြီး ၂ပတ်ကျော်အကြာတွင်မြန်မာနိုင်ငံဆိုင်ရာအိန္ဒိယသံအမတ်ကြီးAbhay Thakur သည်ဇွန်လ၁၈ရက်တွင်ရခိုင်ပြည်နယ်စစ်တွေမြို့သို့သွားရောက်ခဲ့ကြောင်းသိရသည်။

ဇွန်၁၉ရက်နေ့ Embassy of India , Yangon ၏ထုတ်ပြန်ချက်အရ ကုလားတန်ဘက်စုံသုံးသယ်ယူ ပို့ဆောင်ရေးစီမံကိန်း၏စစ်တွေဆိပ်ကမ်းကိုသွားရောက်ကြည့်ခဲ့ကြောင်းသိရသည်။

“သံအမတ်ကြီးAbhay Thakur သည်စစ်တွေမြို့သို့သွားရောက်ခဲ့သည့်ခရီးစဉ်အတွင်းရခိုင်ပြည်နယ်ဝန်ကြီးချုပ်ဦးနိုင်ဦးနှင့်တွေ့ဆုံခဲ့ပြီး၊ကုလားတန်စီမံကိန်း၏စစ်တွေဆိပ်ကမ်းနှင့်အိန္ဒိယ ကောင်စစ်ဝန်ချုပ်ရုံးသို့သွားရောက်ခဲ့ပါသည်။ထို့ပြင်အပြည်ပြည်ဆိုင်ရာယောဂနေ့၂၀၂၆အထိမ်းအမှတ်စုပေါင်းယောဂသရုပ်ပြလေ့ကျင့်ခြင့်းအစီအစဉ်တွင်ပါဝင်ခဲ့ပြီး၊စစ်တွေမြို့အခြေစိုက်နိုင်ငံတကာအဖွဲ့အစည်းများမှကိုယ်စားလှယ်များနှင့်တွေ့ဆုံခဲ့ပါသည်” ဟုထုတ်ပြန်ချက်တွင် ပါရှိသည်။

အာဏာသိမ်း သမ္မတ ဦးမင်းအောင်လှိုင်၏ အိန္ဒိယခရီးစဉ်အတွင်းဝန်ကြီးချုပ်မိုဒီနှင့်တွေ့ဆုံစဉ်အိန္ဒိယ၏မဟာဗျူဟာစီမံကိန်းဖြစ်သောကုလားတန်စီမံကိန်းအမြန်ဆုံးအပြီးသတ် ဆောင်ရွက်နိုင်ရေးအာဏာသိမ်းသမ္မတအားတွန်းအားပေးခဲ့သည်ဟု သိရသည်။

ရခိုင်ပြည်နယ်စစ်တွေဆိပ်ကမ်းမှချင်းပြည်နယ်ပလက်ဝကိုဖြတ်ကာအိန္ဒိယနိုင်ငံ၊အရှေ့မြောက်ဒေသမီဇိုရမ်ပြည်နယ်သို့ချိတ်ဆက်မည့်ကုလားတန်မြစ်ကြောင်းဘက်စုံသုံးသယ်ယူပို့ဆောင်ရေးစီမံကိန်း(KMTTP)ကို၂၀၀၈ခုနှစ်တွင်လက်မှတ်ရေးထိုးခဲ့သည်။

အဆိုပါစီမံကိန်းအားလာမည့်၂၀၂၇နှစ်တွင်အပြည့်အဝလည်ပတ်ရန်အိန္ဒိယအစိုးရကလိုလား သော်လည်းလက်ရှိရခိုင်ပြည်တစ်ခုလုံးနီးပါးကို အာရက္ခတပ်တော်က သိမ်းပိုက်ထားသဖြင့်ဆက်လက်အထည်ဖော်ရန်မှာ  ကြန့်ကြာမှုများရှိနေဆဲဖြစ်ကြောင်းသိရသည်။