မလေးရှားထိန်းသိမ်းရေးစခန်းတွင် လွတ်ရက်စေ့ ထိန်းသိမ်းခံထားရသူ နှစ်ဦးမိသားစုနှင့် အဆက်အသွယ်ရရန်လိုအပ်နေ

နိရဉ္စရာ၊ဇွန် ၂၀/၂၀၂၆

မလေးရှားထိန်းသိမ်းရေးစခန်းတွင် လွတ်ရက်စေ့နေသူ ၃ ဦး အထဲမှ တစ်ဦးမှာ မိသားစုနှင့် အဆက်အသွယ်ရရှိသွားပြီး ကျန် ၂ ဦးမှာ ယနေ့အချိန်ထိ မိသားစုနှင့် အဆက်အသွယ်ရရှိရန်လိုအပ်နေ ကြောင်း ARRC တာဝန်ရှိသူ တစ်ဦးမှ ဆက်သွယ်ပြောကြားသည်။

၎င်းတို့နှစ်ဦးထဲမှ တစ်ဦးမှာ ထွန်းထွန်း/ ဘော်ဒီနံပတ်GRG 5258(ဘ) ဦးထွန်းခင် (ခ) ဦးအောင်ထွန်းခင် (မိ) ဒေါ်အောင်နုစိန်ဖြစ်ပြီး နေရပ်မှာ ကညင်ထောင့်ရပ်ကွက်၊ ကျောက်ဖြူမြို့နယ်၊ ရခိုင်ပြည် ဖြစ်ကြောင်း သိရှိရသည်။

နောက်တစ်ဦးမှာ သန်းထွန်းကျော်/ ဘော်ဒီနံပတ်GRG 11695 (ဘ)ဦးသန်းဌေး (ကွယ်လွန်) (မိ) ဒေါ်မေလေး (လက်ရှိ ရန်ကုန်) ဖြစ်ပြီး နေရပ်မှာဂန္ဒာကျေးရွာ၊ ဘူးသီးတောင်မြို့နယ် ရခိုင်ပြည် ဖြစ်ကြောင်း သိရှိရသည်။

၎င်းတို့၂ ဦးသည်၊ မလေးရှားနိုင်ငံ (ဘရမ်နန်း-လ.ဝ.က ထိန်းသိမ်းရေးစခန်း)၌ ထိန်းသိမ်းခံထားရသူများ ဖြစ်ကြပြီး၎င်းထိန်းသိမ်းရေးစခန်းမှတစ်ဆင့် မြန်မာနိုင်ငံပြန်နိုင်ရန်အတွက် သူတို့၏မိသားစုများနှင့် အဆက်အသွယ်များ အရေးတကြီး လိုအပ်လျက်ရှိကြောင်းသိရသည်။ မိသားစုဝင်များမှ လေယာဉ်စရိတ်နှင့် လိုအပ်သည့် အချက်အလက်များကိုဇွန် ၁၈ ရက်နေ့ မတိုင်မှီ အပြီးပေးအပ်နိုင်ပါက ဇွန်လ၁၈ ရက်နေ့ လေယာဉ်ဖြင့် ပြန်နိုင်မည် ဖြစ်သွားသဖြင့် နောက်ထပ်အနည်းဆုံး ၁လစောင့်ပြီးမှ ပြန်နိုင်မည့် အခြေအနေ ဖြစ်နေသည်ဟုARRC တာဝန်ရှိသူက ပြောကြားသည်။ ၎င်းအမျိုးသား ၂ ဦးအား သိသည်သူများဖြစ်‌စေ၊ မိသားစုဝင်များအား သိရှိသူများ ဖြစ်စေ၊ အဆက်အသွယ်ရရှိနိုင်ပါရန် ကူညီပေးစေလိုပါကြောင်း၎င်းက မေတ္တာရပ်ခံပြောကြားသည်။ သူတို့နှစ်ဦးပတ်သက်ပြီး ARRC ရုံးဖုန်း+60 18-777 5734ဆက်သွယ်နိုင်ကြောင်း အသိပေးအပ်ပါသည်။