မင်းပြားတွင် မိုးကြိုးပစ်ခံရ၍ တစ်ရက်တည်းအတွင်း အမျိုးသား ၂ဦးသေဆုံး

နိရဉ္စရာ၊ ဇွန်၇/၂၀၂၆

ရခိုင်ပြည်၊ မင်ပြားမြို့နယ်တွင် ဇွန်၅ရက်နေ့ ညနေပိုင်းတွင်  မိုးကြိုးပစ်ခံရ၍အမျိုးသား၂နှစ်ဦးသေဆုံးသွားကြောင်းဒေသတွင်းသတင်းများအရ သိရသည်။

သေဆုံးသူများမှာမင်းပြားမြို့နယ်၊မင်းဖူးရွားမှကိုအေးကိုနိုင်(၁၈)နှစ်နှင့်ချောင်းတို(ချင်း)ရွာမှဦးမောင်ကျော်ထွန်း(၄၄)နှစ်တို့ဖြစ်ကြောင်းသိရသည်။

ဇွန် ၅ရက်နေ့၊ ညနေ၅နာရီအချိန်ခန့်တွင် ကိုအေးကိုနိုင်သည် မိမိနေအိမ်အတွင်း၌ ရေချိုးနေစဉ်မိုးကြိုးပစ်ခံရပြီး သေဆုံးသွားခဲ့ပြီး ယင်းနေ့တွင်ပင်ညနေ၅နာရီကျော်အချိန်ခန့်ကလည်း ဦးမောင်ကျော်ထွန်းသည် ချောင်းတိုကျေးရွာမှ သာစည်ကျေးရွာသို့အလုပ်ကိစ္စဖြင့်သွားစဉ်သာစည်ရွာထဲရှိမကျည်းပင်ကြီးအောက်အရောက်တွင်မိုးကြိုးပစ်ခံရ၍သေဆုံးသွားခဲ့ကြောင်းသိရသည်။

အာရက္ခဒေသ၌မိုးရာသီရောက်ရှိလာသည်နှင့်အမျှလေ‌ပြင်းတိုက်ခတ်ခြင်းများနှင့်မိုးကြိုးပစ်ခြင်းများမှာမကြာခဏဖြစ်ပွာလေ့ရှိပြီးထိခိုက်သေဆုံးများမှာနှစ်စဉ်နှစ်တိုင်း ရှိနေသောကြောင့်မိုးရာသီကာလတွင်အာရက္ခပြည်သူများအနေဖြင့်အစစအရာရာ သတိထားသွားလာနေထိုင်ကြရန်အာရက္ခပြည်သူ့တော်လှန်ရေးအစိုးရကအသိပေး တိုက်တွန်းနှိုးဆော်ထားကြောင်းသိရှိရသည်။

ထို့အပြင်ပြီးခဲ့သည့်မေ၂၂ရက်နေ့၊ညနေပိုင်းကလည်းမင်းပြားမြို့နယ်၊မြစ်နားရွာတွင်မိုးကြိုးပစ်ခံရပြီးသားဖနှစ်ဦးပြင်းထန်ဒဏ်ရာရရှိခဲ့ပါသေးကြောင်းသိရသည်။