နှစ်ပေါင်း(၂၀)ကျော်တပ်စွဲထားသည့်ကျောက်လုံးကြီးစစ်တပ်စခန်းကိုKNLA သိမ်းပိုက်

နိရဉ္စရာ၊ မေ ၃၀/၂၀၂၆

မြိတ်-ထားဝယ်ခရိုင် တနင်္သာရီချောင်းမကြီးနဘေးရှိ အာဏာသိမ်းစစ်တပ်နှစ်ပေါင်း(၂၀)ကျော်တပ်စွဲထားသည့် ကျောက်လုံးကြီးစခန်းကိုကရင်အမျိုးသားလွတ်မြောက်ရေးတပ်မတော် (KNLA)နှင့်တော်လှန်ရေးပူးပေါင်းတပ်ဖွဲ့များကမေလ၂၉ ရက်နေ့တိုက်ခိုက်သိမ်းပိုက်လိုက်ပြီဖြစ်သည်။

အဆိုပါစခန်းအား မေလ ၁၉ ရက်နေ့ ၊ နံနက် ၇ နာရီအချိန်မှစတင်၍   မဟာမိတ်တော်လှန်ရေးပူးပေါင်းတပ်ဖွဲ့များက အပြင်းအထန် တိုက်ခိုက်ခဲ့ပြီး၁၀ ရက်အကြာ မေလ ၂၉ ရက်နေ့ ညနေ ၄ နာရီအချိန်စခန်းတစ်ခုလုံးကို အပြီးသတ် တိုက်ခိုက်သိမ်း ပိုက်နိုင်ခဲ့ကြောင်း KNU (ဗဟို)က ယနေ့ သတင်းထုတ်ပြန်သည်။

၎င်းစခန်းသည် အာဏာသိမ်းစစ်တပ် ခမရ (၄၃၃) တပ်ရင်းမှ အင်အား ၈၀ ကျော်ဖြင့်ဗျူဟာကာကင်းအဖြစ် ပြန်လည်ဝင်ရောက်တပ်စွဲထားသောတပ်စခန်းဖြစ်ကြောင်းသိရသည်။

အဆိုပါစခန်းသည် စစ်ကောင်စီ၏ ကမ်းရိုးတန်းတိုင်းစစ် ဌာနချုပ်၊ အမှတ် ၂ဗျူဟာလက်အောက်ခံတပ်များက နှစ်ပေါင်း ၂၀ ကျော်ကြာ အခြေပြုတပ်စွဲခဲ့သည့်စခန်းကြီးတစ်ခု ဖြစ်ကြောင်း သိရှိရသည်။

၂၀၂၄ ခုနှစ် ဇွန်လအတွင်း ကရင်အမျိုးသားလွတ်မြောက်ရေးတပ်မတော် တပ်မဟာ ၄နှင့် တော်လှန် ရေးမဟာ မိတ်ပူးပေါင်းတပ်များက အာဏာသိမ်းစစ်တပ်၏ "အောင်သာဝရစခန်း" ကို တိုက်ခိုက်သိမ်းပိုက်နိုင်ခဲ့စဉ်အတွင်းယခုသိမ်းပိုက်ရရှိသော ကျောက်လုံးကြီးစခန်းသို့ထွက်ပြေးတိမ်းရှောင်သွားခဲ့ကြကြောင်း၊သိရသည်။

သို့သော် လည်း နောက်ပိုင်းတွင် အဆိုပါစခန်း၌ စစ်ကောင်စီ၏ ခမရ ၄၃၃ တပ်ရင်းမှအင်အား ၈၀ ကျော်ဖြင့် စစ်ရေးဗျူဟာကာကင်းတစ်ခုအနေ ဖြင့် ပြန်လည်ဝင်ရောက်ကာအခြေပြုတပ်စွဲခဲ့ခြင်း ဖြစ်သည်ဟု သိရှိရသည်။