AI Summary
အာဆင်နယ်အသင်းသည် ပီအက်စ်ဂျီအသင်းမှ အသက် ၁၈ နှစ်အရွယ် နောက်ခံလူ အီမန်နျူရယ်ဘမ်ဘာကို အလွတ်ပြောင်းရွှေ့ကြေးဖြင့် ခေါ်ယူရန် ချဉ်းကပ်လျက်ရှိသည်။ ပီအက်စ်ဂျီက စာချုပ်သစ် ကမ်းလှမ်းထားသော်လည်း ဘမ်ဘာက ပရီးမီးယားလိဂ်သို့ ပြောင်းရွှေ့ရန် စိတ်ဝင်စားနေသည်။ အာဆင်နယ်သည် ၎င်းကိုခေါ်ယူပြီးနောက် ၂၀၂၇ ခုနှစ် ဇန်နဝါရီလအထိ ဥရောပကလပ်တစ်ခုတွင် အငှားချထားရန် စီစဉ်ထားပြီး ယင်းမှာ အင်္ဂလန်တွင် ကစားခွင့်ဗီဇာရရှိရန်အတွက် ဖြစ်သည်။ ဘမ်ဘာသည် အာဆင်နယ်နည်းပြ အာတီတာလက်အောက်တွင် ကစားရန် ပိုမိုနှစ်သက်နေပြီး အာဆင်နယ်ကလည်း ဆာလီဘာ၏ တိုးတက်မှုကို နမူနာပြကာ စည်းရုံးထားသည်။ ပီအက်စ်ဂျီလူငယ်အသင်းတွင် ဗဟိုနောက်ခံလူအဖြစ် ကစားသော်လည်း အာဆင်နယ်က ၎င်းကို ရေရှည်တွင် ဘယ်နောက်ခံလူအဖြစ် အသုံးပြုရန် ဗျူဟာချထားသည်။
အာဆင်နယ်အသင်းဟာ ပီအက်စ်ဂျီအသင်းရဲ့ အသက် ၁၈ နှစ်အရွယ် နောက်ခံလူ အီမန်နျူရယ်ဘမ်ဘာကို အလွတ်ပြောင်းရွှေ့ကြေးနဲ့ ခေါ်ယူဖို့ ချဉ်းကပ်နေပါတယ်။
ပီအက်စ်ဂျီက စာချုပ်သစ် ကမ်းလှမ်းထားပေမဲ့ ဘမ်ဘာကတော့ ပရီးမီးယားလိဂ်ကို ပြောင်းဖို့ စိတ်ဝင်စားနေတာပါ။
အာဆင်နယ်ကတော့ သူ့ကိုခေါ်ပြီး ၂၀၂၇ ဇန်နဝါရီအထိ ဥရောပကလပ်တခုမှာ အငှားချဖို့ စီစဉ်နေပါတယ်။ ဒါမှလည်း အင်္ဂလန်မှာ ကစားခွင့်ဗီဇာ (work permit) ရဖို့ အချိန်ရမှာ ဖြစ်ပါတယ်။
ဘမ်ဘာဟာ အာဆင်နယ်နည်းပြ အာတီတာရဲ့ လက်အောက်မှာ ပြောင်းရွှေ့ကစားဖို့ ပိုသဘောကျနေပါတယ်။
အာဆင်နယ်ဘက်ကလည်း ဆာလီဘာရဲ့ တိုးတက်မှုကို နမူနာပြပြီး စည်းရုံးထားတာပါ။ ဘမ်ဘာဟာ ပီအက်စ်ဂျီလူငယ်အသင်းမှာ ဗဟိုနောက်ခံလူအဖြစ် ကစားပေမဲ့ အာဆင်နယ်ကတော့ သူ့ကို ဘယ်နောက်ခံလူအဖြစ် ရေရှည်အသုံးပြုဖို့ ဗျူဟာချထားပါတယ်။
သူဟာ ပြင်သစ်လူငယ်လက်ရွေးစင် ဖြစ်ပြီး ပီအက်စ်ဂျီ ယူ-၁၉ အသင်းကို ဖလားရအောင် ခေါင်းဆောင်ပေးခဲ့သူ ဖြစ်ပါတယ်။